14 июль көнне районыбызның Борбаш авылында XVlI Россиякүләм мөселман балалар Сабан туе узды. Ел саен мәшһүр шәхесебез Җәлил хәзрәт Фазлыев җитәкчелегендә узучы сабан туе быел да көрәш, балалар уеннары, мөнәҗәтләр, догалар белән үрелеп барды.
Россиякүләм чарада Татарстан районнарыннан тыш, башка өлкәләрдән һәм ызандаш республикалардан да күп кунаклар килде.
Быелгы бәйрәм программасына бик күп төрле ярышлар кертелгән иде.
Сабан туеның милли күрке булган көрәш ярышлары төрле авырлык категорияләренә бүленеп балалар һәм яшүсмерләр арасында узды.
